పాముకాటుకు గురైన బీఆర్ఎస్ నేతను పరామర్శించిన మాజీ ఎమ్మెల్యే జాజాల సురేందర్

మండలం కన్కాల్ గ్రామానికి చెందిన బీఆర్ఎస్ పార్టీ మండల మాజీ అధ్యక్షుడు వెలిమ రవీందర్ రెడ్డి ఇటీవల పాముకాటుకు గురయ్యారు. ఈ సంఘటనతో ఆయన ఆరోగ్యం కొంత క్షీణించింది. కామారెడ్డిలోని ఒక ప్రైవేట్ ఆసుపత్రిలో ఆయన చికిత్స పొందారు. చికిత్స అనంతరం ఆయన ఇంటికి చేరుకున్నారని స్థానిక బీఆర్ఎస్ నాయకుల ద్వారా మాజీ ఎమ్మెల్యే జాజాల సురేందర్ కు సమాచారం అందింది.

వెంటనే స్పందించిన మాజీ ఎమ్మెల్యే జాజాల సురేందర్, స్వయంగా వెలిమ రవీందర్ రెడ్డి నివాసానికి వెళ్లి ఆయన ఆరోగ్య పరిస్థితిని అడిగి తెలుసుకున్నారు. ఆయన త్వరగా సంపూర్ణ ఆరోగ్యంతో కోలుకోవాలని ఆకాంక్షించారు. ఈ సందర్భంగా రవీందర్ రెడ్డికి ధైర్యం చెప్పిన జాజాల సురేందర్, ఆయన కుటుంబ సభ్యులను కూడా పరామర్శించారు. ఈ పరామర్శ కార్యక్రమంలో స్థానిక బీఆర్ఎస్ పార్టీ నాయకులు, ప్రజాప్రతినిధులు, కార్యకర్తలు, గ్రామస్తులు పాల్గొన్నారు.