నిజామాబాద్ (అర్బన్), జూలై 11
జిల్లాలోని ప్రైవేటు, కార్పొరేట్ జూనియర్ కళాశాలల్లో చదివిన విద్యార్థులకు ఫీజుల బకాయిల పేరుతో సర్టిఫికెట్లు ఇవ్వకుండా వేధిస్తే, ఆయా కళాశాలల గుర్తింపును రద్దు చేస్తామని జిల్లా ఇంటర్ విద్యా అధికారి తిరుమలపూడి రవికుమార్ హెచ్చరించారు. ఇంటర్ బోర్డు కమిషనర్ ఆదేశాల మేరకు ఈ చర్యలు ఉంటాయని ఆయన తెలిపారు.
జిల్లాలోని ప్రైవేటు, కార్పొరేట్ జూనియర్ కళాశాలల్లో చదివిన విద్యార్థులకు ఫీజుల బకాయిల పేరుతో సర్టిఫికెట్లు ఇవ్వకుండా వేధిస్తే, ఇంటర్ బోర్డు కమిషనర్ ఆదేశాల మేరకు ఆ కళాశాలల గుర్తింపును రద్దు చేస్తామని జిల్లా ఇంటర్ విద్యా అధికారి తిరుమలపూడి రవికుమార్ హెచ్చరించారు.
గత మార్చి వార్షిక, మే సప్లిమెంటరీ పరీక్షలలో ఇంటర్ పాస్ అయిన విద్యార్థులకు, పై చదువుల కోసం అవసరమైన టీసీలు, బోనోఫైడ్, ఇతర ధృవీకరణ పత్రాలు ఇవ్వడానికి ఇబ్బందులు గురిచేసే కళాశాల యాజమాన్యాలపై బోర్డు నిబంధనల మేరకు కఠిన చర్యలు తీసుకుంటామని ఆయన తెలిపారు.
విద్యార్థులకు ప్రైవేట్ కళాశాలల యాజమాన్యాలు ఇబ్బందులు కలిగిస్తే జిల్లా ఇంటర్ విద్యా కార్యాలయంలో ఫిర్యాదు చేయాలని విద్యార్థులకు సూచించారు. నిబంధనలు ఉల్లంఘించే ప్రైవేటు కళాశాలలపై ఇంటర్ బోర్డుకు నివేదిస్తామని జిల్లా ఇంటర్ విద్యా అధికారి తిరుమలపుడి రవికుమార్ తెలియజేశారు.
